கல்வி

சீனாவின் இன்னொரு முகம்!

சீனா- இந்த ஒற்றை வார்த்தை இன்னும் சில வருடங்களுக்குள் தீப்பிழம்பாய்  இந்தியாவில் பரவக்கூடும்.

கிட்டத்தட்ட ஒன்றரை ஆண்டுகளுக்கு முன் ப்ளாக்கரில் தீவிரமாக எழுத முயற்சித்த தருணங்களில், வாசிப்பின் மகத்துவம் அறிந்த தருணங்களில் எழுதிய ஒரு பதிவு. ஏற்கனவே படித்தவர்கள் இப்போதே வெளியேறலாம். அல்லது சீனா பற்றித் துளியும் அறிய விரும்பாதவர்களும் வெளியேறலாம். பழைய பதிவு புதிய வாசகர்களுக்காக. புதிய அனுபவத்திற்காக.

சிறந்த கட்டுரைக்காக நீண்ட யோசிப்பிலும்,வாசிப்பிலும் இருந்தேன்.நண்பர் ஏசி-ன் கட்டுரை மொழிபெயர்ப்பில் இருந்தேன்.அது சமயம்,அண்ணன் மருதன் அவர்களின் கட்டுரைகளை படிக்கும் வாய்ப்பு கிடைக்கப்பெற்றேன்.அவரின் சிறுசிறு கருத்துகளை ட்வீட்டிய நான் இக்கட்டுரையை மீள்பதிவு செய்தால் நன்றாக இருக்கும் என எண்ணினேன்.அவரின் முழு அனுமதி பெற்றே இதை நான் வெளியிடுகிறேன்.
          

சீனாவைப் பற்றி உங்களுக்கு என்ன தெரியும்? “சீனா-விலகும் திரை “-யை நீங்கள் படிக்கவில்லையெனில் இக்கட்டுரை உங்களுக்கு பயன் தரும் என்றே நம்புகிறேன்.இன்னும் தீவிர புத்தக வாசிப்பிலிருந்து உங்களுக்கு கருத்துகளை திரட்டி வருகிறேன். இனி

 

 

சீனாவின் இன்னொரு முகம்

Chen Guidi, Wu Chuntao இருவரும் இணைந்து எழுதியிருக்கும் Survey of Chinese Peasants என்னும் புத்தகம் குறித்த விமரிசனம் நியூ லெஃப்ட் ரிவ்யூவில் வெளிவந்துள்ளது. பழைய கட்டுரை. எனக்கு இப்போதுதான் காணக்கிடைத்தது. நூலாசிரியர்கள் இருவரும் விவசாயக் குடும்பத்தைச் சேர்ந்தவர்கள். அன்ஹுய், ஹுனான் மாகாணாவாசிகள். இருவருமே எழுத்தாளர்கள். தம்பதிகள். அக்டோபர் 1, 2000 அன்று அன்ஹுயின் தலைநகரமான Hefei என்னும் பகுதியில் இருந்து இவர்கள் தங்கள் சுற்றுப்பயணத்தை ஆரம்பித்தனர். பெய்ஜிங்கில் இருந்து தெற்கே 500 மைல் தொலைவில் உள்ள ஒரு பகுதி இது. இங்கிருந்து தொடங்கி அன்ஹுயில் உள்ள ஐம்பதுக்கும் அதிகமான மாகாணங்களை இவர்கள் பேருந்து மூலமாகவும் கால்நடையாகவும் சுற்றிவந்தனர்.

ஆகப் பெரும் வல்லரசாக ஜொலித்துக்கொண்டிருக்கும் சீனாவின் இன்னொரு பக்கத்தைக் கண்டறிவதே இந்தப் பயணத்தின் நோக்கம். சீன விவசாயிகளிடம் உரையாடி அவர்கள் எதிர்கொள்ளும் துயரங்களை, கொடுமைகளை நேரடி அனுபவங்கள் வாயிலாக நூலாசிரியர்கள் பதிவு செய்திருக்கிறார்கள். அதிர்ச்சியூட்டும் பல உண்மைகளை தரவுகளோடு முன்வைக்கும் இந்தப் புத்தகம் உடனடியாக சீனாவில் தடைசெய்யப்பட்டது.

பல விவசாயிகளின் ஆண்டு வருமானம் 270 யுவான். கிட்டத்தட்ட 1400 ரூபாய். என்றால், மாதத்துக்கு, 115 ரூபாய். வெங்காயம் பயிரிடும் ஒரு விவசாயியால் காசு கொடுத்து வெங்காயம் வாங்கமுடியாது. சாப்பிடவே போதுமான காசு இல்லை என்றாலும் கிராம அதிகாரிகளுக்கு பெரும் தொகையை வரியாகச் செலுத்தியாகவேண்டும். மறுத்தால், வரி வசூலிக்கும் குழு சம்பந்தப்பட்ட விவசாயியின் வீட்டுக்கு நுழைந்து, அவர் வசமுள்ள பொருள்களை பறிமுதல் செய்யும். பன்றி முதல் வீட்டுச்சாமான் வரை எதையும் பறித்துச் செல்லும் அதிகாரம் அவர்களுக்கு உண்டு. இது தவிர, விவசாயியை அடிக்கலாம். கைது செய்யலாம். சிறையில் தள்ளலாம். அபராதம் விதிக்கலாம்.

காசில்லை விட்டுவிடுங்கள் என்று கதவைப் பூட்டிக்கொண்டால், கதவு உடைத்து திறக்கப்படும். கதவை உடைத்து திறக்கவேண்டிய அவசியத்தை ஏற்படுத்தியதற்காக சிறப்பு அபராதம் விதிக்கப்படும். மிரட்டி, அடித்து பணத்தைப் பிடுங்கிகொள்வார்கள். பிறகு, இருப்பதிலேயே பெரிய உணவகத்துக்குச் சென்று வரி வசூலிக்கும் குழு சாப்பிடும். பில் கட்டுவது சம்பந்தபட்ட விவசாயியின் கடமை. Ding Zuoming என்னும் விவசாயி, வரி வசூலிப்பவர்களிள் அராஜகத்தை அம்பலப்படுத்தி சீன உயர் அதிகாரிகளுக்கும் கம்யூனிஸ்ட் கட்சிக்கும் தொடர்ச்சியாகப் பல புகார்களை அனுப்ப ஆரம்பித்தார். மக்களைத் திரட்டி போராட்டங்கள் நடத்தினார். கோபமடைந்த அதிகாரிகள் டிங்கை கைதுசெய்தனர். சித்திரவதை செய்யப்பட்டு அவர் கொல்லப்பட்டார்.

ஒரு சில கிராம அதிகாரிகள் சம்பந்தப்பட்ட பிரச்னையாக இதைக் குறுக்கிவிடமுடியாது. மேல் மட்டத்தின் துணை இல்லாமல் இந்த அதிகாரிகளால் இவ்வாறு இயங்கமுடியாது. அந்த வகையில், விவசாயிகள் மீது மேலாதிக்கம் செலுத்தவேண்டும் என்பது சீனாவின் அரசாங்க கொள்கை. 1990ம் ஆண்டைவிட 2003ம் ஆண்டு தானிய உற்பத்தி அளவு குறைந்துள்ளது. விவசாயிகளின் தனிநபர் வருமானம் 1997ம் ஆண்டைவிட 6 சதவீதம் குறைந்துள்ளது. அதே சமயம், மருத்துவம், கல்வி போன்ற அத்தியாவசிய சேவைகளின் மதிப்பு அதிகரித்துவிட்டது. கிராமங்களுக்கும் நகரங்களுக்கும் இடையிலான இடைவெளி முன்னெப்போதையும்விட இப்போது அதிகரித்துள்ளது. ஆனால் தற்போதைய சீனா, நகரங்களை மட்டுமே கவனித்துவருகிறது. நகரங்கள் ஜொலித்தால் போதும். நகரங்கள் தொழில்மயமானால் போதும். நகரங்களின் செல்வம் குவிந்தால் போதும். கிராமங்களை ஒடுக்குவதில் தவறில்லை. விவசாயிகளிடம் இருந்து கூடுதல் வரி பெற்றுக்கொள்வதில் தவறேதுமில்லை.

மொத்தம் 93 வகையான வரிகள் விவசாயிகளிடம் இருந்து வசூலிக்கப்படுகின்றன. இவை போக, 293 தனிப்பிரிவுகளில் வெவ்வேறு காரணங்களுக்காக உள்ளூர் கிராம அதிகாரிகளுக்கு வரி கட்டவேண்டும். கிராம நிர்வாக அலுவலகம் கட்டுவதற்கு, பள்ளிக்கூடம் கட்டுவதற்கு, சுற்றுச்சூழல் மேம்பட, கட்சி உறுப்பினர்களுக்கு சமூக நல விடுதி உருவாக்க, குடும்பக் கட்டுப்பாடு திட்டத்தை அமலாக்க என்று பல்வேறு காரணங்கள் பட்டியலிடப்படுகின்றன. உங்கள் வீட்டில் புதிதாக ஒரு பன்றிக்குட்டி பிறந்தால் அதற்கு வரி செலுத்தியாகவேண்டும். காவலாளிகளுக்குச் சீருடைகள், காலுறைகள் வாங்குவதற்கு தனியே வரி வசூலிக்கப்படும். அரசாங்க நிமித்தமாகவும் கட்சி வேலைகளுக்காகவும் உறுப்பினர்கள் பயணம் செய்வதற்கு விவசாயிகளிடம் இருந்து வரி திரட்டப்படுகிறது. ஒரு மாட்டின் உடல் மீதுள்ள முடிகளின் எண்ணிக்கையைக் காட்டிலும் அதிகமான வரிகளை நாங்கள் செலுத்திக்கொண்டிருக்கிறோம் என்கிறார்கள் விவசாயிகள்.

புத்தகம் எங்காவது கிடைத்தால் படிக்கவேண்டும்.

************************************************

 அண்ணன் மருதன் அவர்களுக்கு  நன்றி எனும் வாக்கியத்தோடு  இக்கட்டுரை முடிக்கப்படாவிடின் நான் நன்றியற்றவனாவேன்.

அன்பன்

தமிழ்

மூலக் கட்டுரையாளர்: மருதன்

உங்களுக்கும் சீனா குறித்து ஏதேனும் கூற விருப்பமிருந்தால்  Comment-ங்கள். இன்னும் சில குறிப்புகளும் உள்ளன. பிறிதொரு சமயம் வெளியிட விருப்பம்.
ஒரு சிறு புத்தகப் பரிந்துரை:
பல்லவி அய்யர் என்கிற பத்திரிக்கையாளர் எழுதிய ‘சீனா விலகும் திரை’ (தமிழ்) புத்தகத்தை வாய்ப்பு கிடைத்தால் படிக்கலாம். இதே புத்தகத்தின் நேரடி ஆங்கில வடிவ நூலின் பெயர் நினைவில் இல்லை. தெரிந்தவர்கள் குறிப்பிடலாம். தமிழ் புத்தகம் கிழக்கு பதிப்பகத்தால் வெளியிடப்பட்டது.
Advertisements

கற்ற கல்வி!

கண்டிப்பாக வியந்துதான் போனேன். சிறுசிறு தகவல்களை நாம் உதாசினப்படுத்திவிட முடியாது. நாம் கற்கும் கல்வி மற்றவர்களுக்கு கண்டிப்பாக பயன்பட வேண்டும்.உங்களுக்கும் இப்பதிவு பயன்தரும் என்று நம்புகிறேன். கூகுள்-பிளஸ்-ல் ஒரு நண்பர் வெளியிட்ட இடுகைதான் அது. நீங்களும் படியுங்கள். வாழ்வின் எதாவது ஒரு தருணத்தில் பயன்படும்.

|************************************************************************************|

இதைப்படித்து நீங்களும் வியந்து போவீர்கள் என்பது என் திண்ணம். முடிந்தால் மற்றவர்களுக்கும் பகிர்ந்து கொள்ளுங்கள். நாம் கற்கிற கல்வி தெருவில் பஞ்சர் ஓட்டும் சிறுவன் வரை போய் சேர வேண்டும்.

  • மார்க்கப்பொலோ என்கிற சிகரெட் நிறுவனத்தின் முதல் உரிமையாளர் நுரையீரல் புற்று நோய் தாக்கி இறந்துப் போனார்.
  • பழ மரங்களில் நீண்ட காலம் விளைச்சல் தருவது ஆரஞ்சு மரம். சுமார் 400 ஆண்டுகளாக தொடர்ந்து அது விளைச்சல் தரும்.
  • உலகிலேயே மிக சிறிய மரம் குட்டை வில்லோ மரம். அதன் உயரம் இரண்டே அங்குலம் தான்.
  • ஒரு தர்பூசணி பழம் இருந்தால் அதில் இருந்து 6 லட்சம்  தர்பூசணி  பழங்களை உற்பத்தி செய்துவிடலாம்.
  • மனித உடல்களில் சுமார் 6 கோடியே 50 லட்சம் செல்கள் இருகின்றன.
  • பொதுவாக தாவரங்கள் நகராது. ஆனால் கிலாமிடோமொனாஸ் என்ற ஒரு செல் தாவரம் நகர்ந்து போகும் தன்மை உடையது.
  • பச்சோந்தியின் நாக்கு தன் உடலின் நீளத்தை இரண்டு மடங்கு அதிகமாக இருக்கும்.
  • நாக்கை நீட்ட முடியாத ஒரே விலங்கு முதலை.
  • நீல திமிங்கலத்தின் எடை 22 யானைகளின் எடைக்கு சமம். அதன் இதயம் ஒரு சிறிய கார் அளவில் இருக்கும்.
  • ஒரு புள்ளி அளவு இடத்தை 70,000 (எழுபதாயிரம்) அமிபாக்களால் நிரப்ப முடியும்.
  • தரையில் முதுகு படும்படி உறங்கும் ஒரே உயிரினம் – மனிதன்.
  • முன்னால்  பின்னால் பக்கவாட்டில் என அனைத்து பக்கங்களிலும் பறக்க முடிந்த பறவை – தேன்சிட்டு.
  • தேன்சிட்டு, மரங்கொத்தி, போன்ற பறவைகளுக்கு நடக்க தெரியாது.
  • மனித உடலில் மட்டும் 17,000 வகை நுண்கிருமிகள் வாழ்கின்றன.
  • புற்று நோய் உட்பட எந்த நோயுமே வராத ஒரே உயிரினம் – சுறாமீன்.
  • நீந்துவதை நிறுத்தினால் உடனே இறந்துவிடும் ஒரே மீன் – சுறாமீன்.
  • தயிராக மற்ற முடியாத ஒரே பால் – ஒட்டகப்பால்
  • ஒட்டகத்தை விட அதிக நாட்கள் தண்ணீர் இன்றி வாழும் ஒரு உயரினம் – கங்காரு எலி.
  • துருவக் கரடிகள் அனைத்துமே இடது கை பழக்கம் உடையவை.