புயலின் மூலம் தோன்றியவர்!

”இந்நாவலை எழுதி முடித்ததும், என்னைச் சுற்றிவளைத்திருந்த இரும்பு வளையமொன்றிலிருந்து விடுபட்ட உணர்வு பெற்றேன். அசைய முடியாமை என்ற துன்பத்தை வென்றேன். மறுபடியும் போர்வீரர்களில் ஒருவனாக மாறிவிட்டேன்.” 

நிக்கொலாய் ஒஸ்திரோவ்ஸ்க்கி

நிக்கொலாய் ஒஸ்திரோவ்ஸ்க்கி

வீரம் விளைந்தது (How the Steel Was Tempered?) எனும் நூலினைப் படிக்கத் துவங்கியதில் இருந்து மனதுக்குள் இருந்த எண்ணற்ற பெயர்களுள் ஒன்று நிக்கொலாய் ஒஸ்திரோவ்ஸ்க்கி  – Nikoloi Ostroveysky.. ஆம். அந்நூலை படைத்த ஆசிரியர் அவர்தான். அக்கதையின் நாயகனான பாவெல் கர்ச்சாகின் எனும் கதாபாத்திரம் ஆசிரியர் நிக்கொலாய் ஒஸ்திரோவ்ஸ்க்கியின் வாழ்வில் இருந்து எடுத்துக்கொள்ளப்பட்டது. அக்கதையில் வரும் அனைவருமே உண்மையான கதாபாத்திரங்கள் என்றும் நூலில் குறிப்பிடப்பட்டுள்ளது.

1904-ம் ஆண்டு பிறந்த இவர் 32 வயது வரை வாழ்ந்தவர். அதில் போர்முனையில் படுகாயமுற்றதால் தன் வாழ்வின் கடைசி 12 வருடங்களை பார்வையில்லாமல் கழித்துள்ளார். 1931-ல் வீரம் விளைந்தது என்கிற நூலை எழுதி முடிக்கிறார்.

இந்நாவலின் முதல் வாசகருமாகவும் இருந்து, அவருக்கு கடைசிவரை ஆதரவு தந்தவர் புகழ்பெற்ற எழுத்தாளர் மாக்ஸிம் கார்க்கி ஆவார்.

1934-ல் இந்நூல் முழுமையாக வெளியானது. ரஷ்யாவில் வெளிவந்த Young Guard எனும் இதழில் தொடராக வந்தது. பின்னர் இரு பாகங்களும் ஒன்று சேர்க்கப்பட்டு புத்தகமாக 1936-ல் வெளியானது.

நிக்கொலாய் ஒஸ்திரோவ்ஸ்க்கி, ரஷ்யாவின் மாஸ்கோ நகரின், முக்கிய வீதிகளில் ஒன்றான கோர்க்சி வீதியில் அவர் வாழ்ந்த 14-ம் எண் வீடு அருங்காட்சியகமாக மாற்றப்பட்டுள்ளது. அதில் How the Steel Was Tempered? நூலின் பல நாட்டு பதிப்புகளும் சேகரித்து காட்சிக்கு வைக்கப்பட்டுள்ளன.

சோவியத் ரஷ்யாவில் இந்நாவலை மையப்படுத்தி இரு திரைப்படங்கள் வெளியாகியுள்ளன. அவை,

  • How the Steel Was Tempered, 1942 
  • Pavel Korchagin, 1956

இதன் பின்னர் ஆசிரியர் புயலின் மூலம் தோன்றியவர்கள் (Born of the Storm) எனும் நூலை எழுதத் துவங்கினார். ஆனால் அந்நூலை எழுதி முடிக்கும் முன்பே வாழ்வை முடித்துக்கொண்டார்.

வீரம் விளைந்தது நூலை முடித்தவுடன் நிக்கொலாய் ஒஸ்திரோவ்ஸ்க்கி கூறியவையே இப்பதிவின் துவக்கத்தில் உள்ளன.

நூலின் ஆங்கில மூலம், மற்றும் சில குறிப்புகள் இங்கே உள்ளன.

Advertisements

One comment

மறுமொழியிட

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s