சாதாரணம் மகத்தானது!

ஒரு இளவரசனுக்கான ஆடைகளையும், விலை உயர்ந்த அணிகலன்களையும் அணிந்தபடி விளையாடும் ஒரு குழந்தை, தான் விளையாடுவதில் உள்ள அத்தனை மகிழ்ச்சியையும் இழந்துவிடுகிறது. அந்த உடையும். அணிகலன்களும் அக்குழந்தை ஒவ்வொரு அடி எடுத்து வைக்கையிலும் இம்சையாக இருக்கின்றது. எங்கே தனது ஆடை புழுதியில் பட்டுவிடுமோ என்கிற பயத்தில் அசைவதற்குக் கூட அச்சப்பட்டு  அக்குழந்தை இவ்வுலகத்தினின்று விலகியே நிற்கின்றது.

தாகூருடைய இக்கவிதை மகத்தானது.

மனிதன் தனக்காக பல்வேறு அலங்காரங்களை அணிந்துகொள்கிறான். அதன் காரணமாய்ப் பெருமிதப்படுகிறான். ஆனால், ஒவ்வொரு முறையும், ஒவ்வொரு அலங்காரத்தின் போதும் அவனுடைய சுதந்திரம் பறிபோகிறது என்பதை அவன் உணர்கிறானோஒ, இல்லையோ மறந்துபோகிறான். அவனால் இயல்பு வாழ்க்கைக்குள் வாழ முடியவில்லை.

எது அழகோ அதுவே ஆபத்தாகிறது.
எது அலங்காரமோ அதுவே இடைஞ்சலாகிறது.

மகிழ்ச்சியான வாழ்க்கை என்பது பொருட்களில் இல்லை. இயல்பாய் வாழ்வதில் இருக்கிறது மகிழ்ச்சி.

மகத்தான வாழ்க்கை என்பது சாதாரணமாக வாழ்வது. சாதாரணம் என்றால் இயல்பு. இயல்பே அழகு அல்லவா!

************

கூடுதலாக

பெரியாரின் கருத்துக்கள் அடங்கிய நூல் ஒன்றைப் படித்தேன். அதில் பல்வேறுவிதமான கருத்துகள் இருந்தன. கடவுள் மறுப்பைத் தாண்டிய பல்வேறு பெரியார் கொள்கைகளைத் தொகுக்கவும் விருப்பம் உள்ளது. ஆகட்டும் பார்க்கலாம்! இப்போது இங்கே ஒரு சிறு பகிர்வு.

புத்தக வாசிப்பில் ஒரு யோசனை சொல்கிறார் தந்தை பெரியார்.

அறிவியக்க நூல்கள், சீர்திருத்த நூல்கள் என்றால் ஒவ்வொன்றையும் வாங்கி வீட்டில் நிரப்பிக் கொள்ள வேண்டுமென்பது அர்த்தமல்ல. மாறாக, வாங்கிப் படித்துவிட்டுப், படித்து முடித்தவுடன் முக்கால் விலைக்கு, அரை விலைக்கு விற்றுவிட வேண்டும். மறுபடி வேறு வாங்கவேண்டும். புத்தக வியாபாரியும் தான் விற்ற புத்தகத்தை அரை விலைக்குக் கொண்டுவந்து கொடுத்தால், நலுங்காமலிருந்தால் வாங்கிக் கொள்ள வேண்டும்.

அடிப்படையில் பெரியார் சிக்கனக்காரர். ஆகவே அவர் இவ்வாறான யோசனை சொல்லியிருக்கலாம். நமக்கு தக்கபடி இக்கருத்தை சற்றே வளைக்கலாம் என்று கருதுகிறேன். இந்த யோசனையின் மையக் கருத்து இப்படியும் இருக்கக்கூடும்.

சிந்தனை நூல்கள் அதிகளவு வாங்கி வீட்டில் அடையாமல், அதை ஒவ்வொன்றாகப் படித்து மற்றொருவருக்கு அதைப் பகிர்வதே நலம். குறிப்பாக இதை சமகால பேட்டி ஒன்றில் படித்தேன். சே குவேரா, காஸ்ட்ரோ உள்ளிட்டோரின் நூல்கள் எவ்வளவு விலைக்கு விற்கப்பட்டாலும் அவற்றை வாங்கிச் செல்ல சிலர் இருக்கிறார்கள். ஆனால் அப்புத்தகங்களையெல்லாம் முறையாக படிக்கிறார்களா என்பது அவரவர் மனசாட்சிக்கு உட்பட்டது.

என்னதான் சொல்லி முடித்திருக்கிறேன் என்பது புரிந்தால் எனக்கும் நலம்.

பதிவின் மையக்கருவும், கவிதையும் வெ. இறையன்பு அவர்கள் எழுதிய ஏழாவது அறிவு (முதல் பாகம்) நூலில் இருந்து கையாளப்பட்டுள்ளது.

Advertisements

One comment

மறுமொழியிட

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s