ஆடித்திருநாள்!

இதோ ஆடி 18.

கடந்த ஆண்டுக்கு முன்புவரை இதே நாளை அனிச்சையாக கடந்து கொண்டிருந்த நான்

ஆதி அந்தமில்லாத கால வெள்ளத்தில் கற்பனை ஓடத்தில் ஏறி நம்முடன் சிறிது நேரம் பிரயாணம் செய்யுமாறு நேயர்களை அழைக்கிறோம். விநாடிக்கு ஒரு நூற்றாண்டு வீதம் எளிதில் கடந்து இன்றைக்குத் தொள்ளாயிரத்து எண்பத்திரண்டு (1950ல் எழுதியது) ஆண்டுகளுக்கு முந்திய காலத்துக்குச் செல்வோமாக.

என்ற வரிகளைப் படிக்கத் தொடங்கிய சில நிமிடங்களிலிருந்து உணரத் தொடங்கி

அருள்மொழிவர்மனின் அருமை நண்பனே! நீடூழி நீ வாழ்வாயாக! வீரத் தமிழரின் மரபில் உன் திருநாமம் என்றும் நிலைத்து விளங்குவதாக!

என்று படித்து முடிக்கிறவரையில் ஒரு கற்பனா உலகிற்குள் சஞ்சரித்துவிட்ட மாயையைப் பெற்றேன் என்பதே உண்மை.

பொன்னியின் செல்வன் கதைமாந்தர்களுடன் கல்கி

கடந்த ஆண்டின் ஆடி 17-ம் நாள் ட்விட்டரில் சாதாரணமாக முதல் அத்தியாயமான ஆடித்திருநாள் -ல் இருந்து சிலவரிகளை ட்வீட்டினேன். அண்ணன் சொல்லியதற்கிணங்க அவற்றை பதிவாகத் தொகுத்து ஆடித்திருநாள் என்ற பதிவை இட்டேன்.

அதன்மூலமாக நான் பெற்ற அனுபவங்கள் கொஞ்சநஞ்சமல்ல..  என் தளத்தின் வருகையிலும் அதன்பின்தான் ஏற்றம் தொடங்கியது. அந்த பரவசத்தை இன்னொரு முறை (கொஞ்சமாக) பதிவிடுகிறேன்.

ஆடித் திங்கள் பதினெட்டாம் நாள் முன் மாலை நேரத்தில் அலை கடல் போல் விரிந்து பரந்திருந்த வீர நாராயண ஏரிக்கரை மீது ஒரு வாலிப வீரன் குதிரை ஏறிப் பிரயாணம் செய்து கொண்டிருந்தான். அவன் தமிழகத்து வீர சரித்திரத்தில் புகழ்பெற்ற வாணர் குலத்தைச் சேர்ந்தவன். வல்லவரையன் வந்தியத்தேவன் என்பது அவன் பெயர்……

…..ஆடிப் பதினெட்டாம் பெருக்கன்று சோழநாட்டு நதிகளிலெல்லாம் வெள்ளம் இருகரையும்தொட்டுக் கொண்டு ஓடுவது வழக்கம். அந்த நதிகளிலிருந்து தண்ணீர் பெறும் ஏரிகளும் பூரணமாக நிரம்பிக் கரையின் உச்சியைத் தொட்டுக் கொண்டு அலைமோதிக் கொண்டிருப்பது வழக்கம்……

….அன்று பதினெட்டாம் பெருக்குத் திருநாள் அல்லவா? பக்கத்துக் கிராமங்களிலிருந்து, தந்த நிறத் தென்னங்குருத்துகளால் சப்பரங்கள் கட்டி இழுத்துக் கொண்டு கும்பல் கும்பலாக மக்கள் அங்கே வந்து கொண்டிருந்தார்கள். ….

     “வடவாறு பொங்கி வருது
          வந்து பாருங்கள், பள்ளியரே!
     வெள்ளாறு விரைந்து வருது
          வேடிக்கை பாருங்கள், தோழியரே!
     காவேரி புரண்டு வருது
          காண வாருங்கள், பாங்கியரே!”

 இணையத்தில் கண்ட சில தகவல்கள் இங்கே:

  • கல்கி  K.A. நீலகண்ட சாஸ்திரியின் சோழர்கள் புத்தகத்தையும், T.V. சதாசிவப் பண்டாரத்தாரின் பிற்காலச் சோழர் சரித்திரத்தையும் மையமாக வைத்து பொன்னியின் செல்வனை எழுதினார். இதில் பிற்காலச் சோழர் சரித்திரத்தில் வந்தியத்தேவனைப் பற்றிய ஐந்து வரிகள் காணப்படுகின்றன. இதனை மையமாக வைத்தே வந்தியத்தேவனை பொன்னியின் செல்வனின் கதாநாயகனாக கல்கி வைத்தார்.
  • பொன்னியின் செல்வன் இதுவரை மூன்று முறை ஆங்கிலத்தில் மொழி பெயர்க்கப்பட்டுள்ளது.
  •  இக்கதையின் முடிவுரையில், கல்கி குறிப்பிட்டு இருப்பது போல், விக்ரமன்,சாண்டில்யன் போன்றவர்கள் தமிழ் வரலாற்றை புதினங்களாக்கிக் கொடுக்க முயன்று இருக்கிறார்கள்.

மூத்த பதிவர் ரஞ்சனி அவர்களுக்கும், அண்ணன் ஓஜஸ் அவர்களுக்கும் நன்றி சொல்லி முடிப்பதே என்னளவில் பொருத்தமானது, மரியாதையான செயலுமாகும். நன்றி.

கூடுதலாகப் படிக்க:

பொன்னியின் செல்வன் திறனாய்வு – வைகோ

படமும், சில தகவல்களும் , கூடுதல் இணைப்பும் : தமிழ் விக்கிபீடியா.
பின் குறிப்பு: பொன்னியின் செல்வன் குறித்த கூடுதல் தகவல்களை விக்கிபீடியாவில் இட்டு வைத்தால் அடுத்தடுத்த புது வாசகர்களுக்கு சிறப்பாயிருக்கும். அங்கே இன்னும் பதியப்படாத தகவல்கள் ஏராளம்.

பொன்னியின் செல்வன் விக்கிபீடியா பக்கத்திற்கு செல்ல 

Advertisements

One comment

  1. அன்புள்ள தமிழ்!
    எப்படி நான் உங்களை இன்று காலையிலேயே நினைத்துக் கொண்டேனோ அதேபோல நீங்களும் என்னை நினைத்துக் கொண்டு இன்றைய நாளை ஒரு பதிவுடன் தொடங்கியிருக்கிறீர்கள்! என்ன ஒரு தொலைவிலுணர்தல்!
    அண்ணன் எங்கே? அவரையும் இந்த ஆடி 18 ஆம் நாள் நினைத்துக் கொள்ளுகிறேன் என்று சொல்லுங்கள். உங்கள் இருவருக்கும் ஆடித் திருநாள் வாழ்த்துகள்!

மறுமொழியிட

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s