நிறைய!

அனைவருக்கும் வணக்கம்.

கிட்டத்தட்ட 2 மாதங்களை நெருங்குகிறது. பதிவுகள் எழுதி. புள்ளிவிபரங்களின்படி மாறுபடலாம் என்றாலும். ஓரளவில் உண்மை இதுதான். நிறைய பயணப்படவும், படிக்கவுமாக இருந்ததால் இந்த இடைவெளி உண்டாகிவிட்டது.

எழுதினால் உருப்படியாக மட்டும்தான் எழுதுவேன் என்றெல்லாம் யோசித்து வைக்கவில்லை. எழுதுவதையே கொஞ்சம் நிறுத்திவிட்டு, வாசிப்பிலும், பயணத்திலுமாக இருந்தேன்.அதிகாலை நகரம், காலைநேரத்து சந்தை, கிராமத்து விடியல், அதிகாலைப் பயணம், நள்ளிரவு பயணம், வரலாற்று நூல்களின் அணிவகுப்பு, ம்ம்ம்ம் இன்னும் நிறைய இருந்தன.

மே இறுதி வாரத்தின் மாலையில் நண்பன் ஒருவனை அலைபேசியில் அழைத்தேன்.

“நாளை மதியம் __________ படத்திற்கு போகலாம். தயாராக இரு. பிற நண்பர்களிடத்தும் சொல்லி வை”

சரி என்றான்.

அன்று இரவு என் ஊரைச் சென்றடைந்தேன்.

அடுத்த நாள் மதியம் அந்த படத்திற்குப் போனோம். அதுவும் இன்றே கடைசி என்கிற ரீதியில். இடைவேளை வந்தது. நண்பன் ஃபேஸ்புக்கை திறந்தான்.

“ஓஜஸ் இருக்கிறான்!”

அதன் பின்னர் ஃபேஸ்புக் வரை நான் படம் பார்க்கிற விடயம் பரவியதும் தனிக்கதை.

இந்த 40 நாட்களில் குறைந்தது 50 பாராட்டுகளும், ஆயிரம் திட்டுகளும் வாங்கியிருப்பேன். ஒன்றும் மோசமில்லை.

ஆயிரக்கணக்கான கி.மீகள் பயணம் போனேன். தொடர்வண்டிப் பயணம் வாய்க்கவில்லை. சில நேரம் பைக்குகளிலும் நெடுந்தூரம் போனது இந்த ஆண்டில்தான்.

நிறைய புத்தகங்களின் அறிமுகம் கிடைத்தது. சில புத்தகங்கள் வாசிக்க முடிந்தது. வழக்கம்போல அவற்றை உங்களுக்கும் அறிமுகம் செய்வேன்.

மதுரையும் மதுரை சார்ந்ததுமான தென் மாவட்டங்களுக்கு இம்முறை பயணம் போனேன்.

புதிதாக ஏராளமானவர்களுடன் உரையாட, பழக வாய்ப்பு கிடைத்தது. இங்கே ஒரு துளி.

”ஏம் பாட்டி இந்த பஸ் _____________-க்கு போகுமா?”

“போகும். ஆனா நிக்குமா-னு கண்டக்டர்ட்ட கேளு”

இன்னொரு முதிய பெண்மணி எனக்கு அக்காவோ, தங்கையோ இல்லை என்று வருத்தப்பட்டார். இன்னும் நிறைய அனுபவங்கள் கிடைத்தன.

மதுரையைப் பற்றியே நிறைய சொல்ல வேண்டியிருக்கிறது. புதிதாக அறிந்து கொண்ட பெயர்கள், பழைய வரலாறுகள், நிகழ்வுகள் நிறைய உள்ளன.

13 ஆண்டுகள் என்னை அறிந்த ஒருவர் என் பதிவுகளைப் படித்துவிட்டு வீட்டுக்கு வந்து வாழ்த்தினார். நன்றி.  ஃபேஸ்புக் பக்கம் ஒன்றில் எழுதச் சொல்லியிருக்கிறார். இன்னும் இறுதி முடிவு எடுக்கவில்லை.

இதுதவிர புதிதாக பதிவு எழுதியிருக்கியா? என்று தொலைபேசியில் கூட ஒருவர் விசாரித்தார்.

ட்விட்டரில் ”காணவில்லை- வருந்துகிறோம்” அளவுக்கு வருத்தப்பட்டார்கள். எனக்கே எனக்காக இந்த நாட்களை முடிந்தமட்டும் செலவிட்டுள்ளதாக நம்புகிறேன்.

கடந்த ஒரு வருடத்துக்கும் மேலாக நான் படித்து வந்த புத்தகம். வீரம் விளைந்தது. இந்த புத்தகம் படிக்கையில் வந்த தடைகளைப் போல, விமர்சனங்களைப் போல இதுவரை வேறு எந்த புத்தகத்துக்கும் வந்ததில்லை.

“தினமும் அஞ்சு-அஞ்சு பக்கமா படிக்கிறியா?”

”டெய்லி ஏன் இந்த புத்த்கத்தை வச்சுக்கிட்டு சீன் போடற?”

இந்த புத்தகத்தைப் படித்து முடித்த பிறகுதான் ஒரு ஆசுவாசம் வந்தது.

அடுத்ததாக சர்வம் ஸ்டாலின் மயம் நூலை 2 மணிநேரத்தில் முடித்தேன். ஏனென்றால் 4-வது முறையாக அப்புத்தகத்தைப் படித்தேன்.

அப்பா-அம்மா இருவருக்கும் பரிசளிக்க புத்தகங்கள் வாங்க முடிவெடுத்தேன். இரண்டு நாவல்கள் அல்லது சிறுகதைத் தொகுப்புகளை வாங்குவது என்கிற எண்ணத்துடன் கடைக்குள் நுழைந்தேன்.

கிட்டத்தட்ட ஒரு மணிநேரம் சுற்றிசுற்றி, அந்த கடையையே 3 முறை வலம்வந்து இரு புத்தகங்களை வாங்கினேன். அவை தோட்டியின் மகன், கேரளத்தில் எங்கோ.. (கேரளத்தில் எங்கோ.. நூலை வாங்கியதே ஒரு வித்தியாசமான அனுபவம்தான். அதுபற்றி விரிவாக இன்னொரு பதிவில் சொல்கிறேன்.).

இந்த பயணம் முழுக்க கிடைத்த அனுபவங்கள் நிறைய இருக்கிறது. இதெல்லாம் அனுபவத்தின் சிதறல்களாக எடுத்துக் கொள்ளுங்கள். நிறைய அனுபவங்களைச் சொல்லி குழப்பாமல், நிறைவான அனுபவங்களை மட்டும் முழுமையாய் பகிர்கிறேன்.

உருப்படியாக படித்த சில நூல்கள்:

  • வீரம் விளைந்தது – நிக்கொலாய் ஒஸ்திரோவ்ஸ்க்கி*
  • சர்வம் ஸ்டாலின் மயம் – மருதன்
  • கேரளத்தில் எங்கோ… -லால்குடி சப்தரிஷி ராமாமிருதம்
  • தோட்டியின் மகன் – தகழி சிவசங்கரன் பிள்ளை**

#இதுதவிர இன்னும் 3 புத்தகங்கள் வாசிப்பில் உள்ளன. அதைப் பற்றிய அறிமுகத்தையும், மேற்கண்ட நூல்களுக்குமான அறிமுகத்தையும் தந்துவிடுகிறேன்.

இவ்வருடம் இதுவரை சிறப்பான நூல்களினால் நகர்கிறது. நினைக்கவே பிரமிப்பாக இருக்கிறது.

* தமிழில் எழுதியவர்- எஸ்.இராமகிருஷ்ணன்
** தமிழில் எழுதியவர்- சுந்தர ராமசாமி

Advertisements

2 comments

  1. எழுத்தில், அனுபவங்களின் வீச்சி பற்றி படித்துக் கொண்டு இருந்தேன்… பார்த்தால் நீயும் அழகாக எழுதியுள்ளாய் ! ஆனாலும் இந்த ஓஜஸ் புராணம் ஓவர்.

மறுமொழியிட

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s