குமாரலிங்கத்தின் சில தினங்கள்!

முன்னர் எழுதிய செங்கோடனும் செம்பாவும் பதிவு பலரும் படித்திருப்பதற்கான ஒரு வாய்ப்பு இருந்திருந்தது. காரணம் அப்பதிவு எழுதிய பிறகு கிட்டத்தட்ட ஒரு மாத இடைவெளிக்குப் பிறகுதான் தவறவிடக் கூடாதவன் எழுதினேன். ஏன் இதை எழுதவேண்டுமென்றால், இப்பதிவும் கல்கி அவர்களின் இன்னுமோர் (குறு) நாவல் குறித்த அறிமுகம்தான்!

சோலைமலை இளவரசி என்ற நாவல்தான் அது. துவக்கமே திகிலாக ஆரம்பமாகிறது. விடுதலைப் போராட்டத்தின் இறுதிகாலத்தில் கதை நிகழ்கிறது. கதை நாயகனான குமாரலிங்கம் சுதந்திரப் போராட்டத்தில் வேட்கை கொண்டவன்.

1942-ம் வருடத்தில் கதை துவங்குகிறது. தீவிரமான வேட்கை கொண்ட குமாரலிங்கத்தை காவல்துறையினர் கைதுசெய்ய எண்ணுகிற சமயத்தில் தப்புகிறான். தொடர்ச்சியாக சோலைமலைக்கருகே வருகிறான். சோலைமலை அடிவாரத்தில் உள்ள பாழடைந்தக் கோட்டைக்கு வந்து தங்க உத்தேசிக்கிறான். காரணம்? அலைச்சல்தான்!

அங்கனம் உத்தேசித்து அவன் பாழும் கோட்டையின் முகப்பில், ஒரு மறைவிடத்தில் உறங்க எண்ணுகிறான். அந்த இடத்தில் தொடங்கி கதை மின்னல் வேகத்திலும் விரைவாக செல்கிறது.மொத்தமாக இருபது அத்தியாயங்களே உள்ளன!

நம் ஆழ்மனதுள் சில நம்பமுடியாத சம்பவங்கள் தோன்றுகிறபடி கதைப்போக்கை அமைத்துள்ளார் கல்கி. திடீர்திடீர் என்று கதையின் போக்கு மாறிக்கொண்டே செல்வதை வெகுவாக உணர்ந்து ரசிக்க முடிகிறது.

தலைப்பிற்கு பங்கம் வராதபடி கதையின் போக்கை வடிவமைத்துள்ளார். இதன்காரணமாக கொஞ்சம் சரித்திர முலாம் பூசியுள்ளார் கல்கி. தற்கால திரைப்படங்களில் மட்டும் காணக்கூடிய வகையிலான காட்சியமைப்பு இந்த நாவல் முழுமையும் உணர முடிகிறது.

இன்னொரு சிறப்பம்சம் என்னவென்றால், இந்த கதையின் நீளம்தான். ஒரு நாளே அதிகம். மின் புத்தகமாக இதைப் படித்தேன். 62 பக்கங்கள்தான் இருக்கின்றன. கதை நகரநகர சில சமயங்களில் இதயத்துடிப்பும் கூட அதிகமாகிறது.

இன்னொன்று இதன் முடிவு. வழக்கமான ஒன்றாகத்தான் மாறிவிட்டது. ஆனாலும் வேறுமாதிரி எடுத்தால் அவ்வளவு உணர்ச்சி எழும்பாது! அதிகம் கதை குறித்து எழுத நினைப்பில்லை. முடிந்தால் நீங்களே படியுங்கள். அப்போதுதான் நான் சொன்னதன் அர்த்தம் விளங்கும். ஏற்கனவே படித்தாலும், இன்னுமொரு முறை படிக்க எண்ணம் வரும்!

இரண்டுவிதமான கதைகள், அவற்றைக் கோர்க்கும் லாவகம், சம்பவங்களின் தன்மை என ஓவ்வோர் விதத்திலும் சுவாரசியம் சேர்க்கிற நாவல்.

சோலைமலை இளவரசி   படித்தால்….பிடிக்கும்!

Advertisements

மறுமொழியிட

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s